Published On: Saturday, October 22, 2011

முப்பொழுதும் உன் கற்பனைகள் திரைப்படத்தில் இடம்பெறும் பாடல் காட்சிக்காக அமெரிக்கா செல்கிறார் அமலா பால். 

அதர்வா-அமலா பால் நடிக்கும் இந்தப் படம், பெரும் பொருட்செலவில் உருவாகி வருகிறது. இப்படத்தில் இடம்பெறும் மூன்று பாடல்களை அமெரிக்காவில் படமாக்குகிறார்கள். லாஸ் வேகாஸ், கிராண்ட் கேன்யன், நியூயார்க் நகரங்களில் இதுவரை எந்த தமிழ்ப்படமும் படமாக்கப்படாத லொகேஷன்களில் இந்தப் பாடல்கள் படமாகின்றன. இவற்றில் 'ஒரு முறை...' என்ற பாடலில் இசையமைப்பாளர் ஜீ.வி. பிரகாஷ் ராஜும் தோன்றுகிறாராம்.

இந்தப் பாடல்களில் நடிக்க அமலா பால் மற்றும் படக்குழுவினர் எதிர்வரும் 28ஆம் திகதி அமெரிக்காவுக்குப் பறக்கிறார்கள். கடந்த ஆண்டு தமிழில் அறிமுகமான அமலா பால், படப்பிடிப்புக்காக அமெரிக்கா போவது இதுவே முதல் முறையாம். ஆர்.எஸ். இன்போடைன்மெண்டின் இந்தப் படத்தை மிக முக்கியமானதாகக் கருதுகிறார் அமலா பால்.