Published On: Sunday, March 11, 2012
டெஸ்ட் தோல்வியை தவிர்க்க நியூசிலாந்து போராட்டம்
டுனிடின் டெஸ்டில் தோல்வியை தவிர்க்க நியூசிலாந்து அணி போராடுகிறது. தென் ஆப்ரிக்காவின் ருடால்ப் சதம் அடித்து அசத்தினார்.
நியூசிலாந்து சென்றுள்ள தென் ஆப்ரிக்க அணி, மூன்று போட்டிகள் கொண்ட டெஸ்ட் தொடரில் பங்கேற்று வருகிறது. முதல் டெஸ்ட் டுனிடினில் நடக்கிறது. முதல் இன்னிங்சில் தென் ஆப்ரிக்கா 238, நியூசிலாந்து 273 ரன்கள் எடுத்தன. மூன்றாம் நாள் ஆட்டநேர முடிவில் தென் ஆப்ரிக்க அணி இரண்டாவது இன்னிங்சில் 3 விக்கெட்டுக்கு 273 ரன்கள் எடுத்து, 233 ரன்கள் முன்னிலை பெற்றிருந்தது. காலிஸ் (107), ருடால்ப் (13) அவுட்டாகாமல் இருந்தனர்.
ருடால்ப் சதம்:
நேற்று நான்காம் நாள் ஆட்டம் நடந்தது. காலிஸ் 113 ரன்னில் அவுட்டானார். சிறப்பான ஆட்டத்தை வெளிப்படுத்திய ருடால்ப், சர்வதேச அரங்கில் 6வது சதம் அடித்தார். டிவிலியர்ஸ் 39 ரன்கள் எடுத்தார். தென் ஆப்ரிக்க அணி இரண்டாவது இன்னிங்சில், 5 விக்கெட்டுக்கு 435 ரன்கள் எடுத்து, "டிக்ளேர்' செய்தது. பவுச்சர் 34 ரன்களுடன் அவுட்டாகாமல் இருந்தார்.
நியூசி., போராட்டம்:
இரண்டாவது இன்னிங்சில் 401 ரன்கள் எடுத்தால் வெற்றி என்ற நிலையில், நியூசிலாந்து அணியின் நிக்கோல் (19), கப்டில் (6) துவக்கத்திலேயே ஏமாற்றினர். பின் இணைந்த மெக்கலம், ராஸ் டெய்லர் ஜோடி மேலும் விக்கெட் விழாமல் பார்த்துக் கொண்டனர்.
நியூசிலாந்து அணி நான்காம் நாள் ஆட்டநேர முடிவில், இரண்டாவது இன்னிங்சில், 2 விக்கெட்டுக்கு 137 ரன்கள் எடுத்து 264 ரன்கள் பின்தங்கி இருந்தது. அரைசதம் அடித்த மெக்கலம் (58), ராஸ் டெய்லர் (48) அவுட்டாகாமல் இருந்தனர்.
.jpg)
