Published On: Sunday, March 11, 2012
தள்ளிப்போகும் அஜீத்தின் பில்லா-2
அஜீத்தின் பில்லா 2 படம் வரும் மே 1-ம் தேதி வெளியாகாது என அறிவிக்கப்பட்டுள்ளது.
இந்தப் படம் வரும் ஏப்ரல் இறுதியில் அல்லது அஜீத் பிறந்த மே 1-ம் தேதி வெளியாகும் என அறிவிக்கப்பட்டது. ஆனால் திரையுலகில் நடந்த பெப்சி வேலை நிறுத்தம் காரணமாக போஸ்ட் புரொடக்ஷன் பணிகள் பாதிக்கப்பட்டன.
இதனால் மீண்டும் தள்ளிப் போகிறது பில்லா 2 பட ரிலீஸ். இந்தப் படம் வரும் மே இரண்டாவது வாரத்தில்தான் வெளியாகும் என அதன் தயாரிப்பாளர் சுனிர் கேட்டர்பால் தெரிவித்துள்ளார்.
சக்ரி டோலட்டி இயக்கியுள்ள இந்தப் படத்துக்கு யுவன் சங்கர் ராஜா இசையமைத்துள்ளார். படத்தின் பாடல்கள் வரும் ஏப்ரல் 25-ல் வெளியாகும் எனத் தெரிகிறது.
பில்லா படத்தில் டானாக வரும் ஹீரோ, அதற்கு முன் எப்படி இருந்தான், அவனது பின்னணி என்ன என்பதை விவரிக்கும் கதை இது.
