Published On: Tuesday, February 14, 2012
மகிந்த ராஜபக்ஷ, ஷிரந்தி ராஜபக்ஷ நாளை சிங்கப்பூர் பயணம்
ஜனாதிபதி மகிந்த ராஜபக்ஷ இரண்டுநாள் உத்தியோகபூர்வ விஜயத்தை மேற்கொண்டு நாளை சிங்கப்பூர் செல்லவுள்ளார். 15 - 16ஆம் திகதிவரை ஜனாதிபதி மகிந்த ராஜபக்ஷ, முதல் பெண்மணி ஷிரந்தி ராஜபக்ஷவும் சிங்கப்பூரில் தங்கியிருப்பார்கள் என ஜனாதிபதி செயலகம் அறிவித்துள்ளது.
சிங்கப்பூர் ஜனாதிபதி டொனி டான் கெங் யாமின் அழைப்பையேற்று சிங்கப்பூர் செல்லவிருக்கும் ஜனாதிபதி அவர்கள், அந்நாட்டுப் பிரதமர் லீ ஹிசின் லூங்கையும் சந்திக்கவுள்ளார். சிங்கப்பூர் ஜனாதிபதி அளிக்கும் விருந்துபசாரத்திலும் மகிந்த ராஜபக்ஷவும் அவரது பாரியாரும் கலந்துகொள்வார்கள். அதேநேரம், சிங்கப்பூரிலுள்ள இலங்கை நிபுணர்களையும் ஜனாதிபதி சந்திக்கவிருப்பதாக ஜனாதிபதி செயலகம் அறிவித்துள்ளது.
