Published On: Wednesday, February 22, 2012
15-16ஆம் திகதிகளில் முல்லைத்தீவு தபால்மூல வாக்களிப்பு
முல்லைத்தீவு மாவட்டத்தின் புதுக்குடியிருப்பு மற்றும் கரைத்துறைப்பற்று பிரதேச சபைகளுக்கான தபால்மூல வாக்களிப்பு எதிர்வரும் 15 - 16ஆம் திகதிகளில் இடம்பெறவுள்ளதாக தேர்தல்கள் செயலகம் தெரிவிக்கின்றது. தபால்மூல வாக்களிப்பிற்கு 339 அரச ஊழியர்கள் தகுதிபெற்றுள்ளதாக வன்னி மாவட்ட பிரதித் தேர்தல்கள் ஆணையாளர் நாயகம் எஸ்.சுதாகரன் குறிப்பிட்டார்.
இதற்கான தபால் வாக்களிப்பு அட்டைகள் எதிர்வரும் 5ஆம் திகதி தபால் திணைக்களத்திடம் ஒப்படைக்கப்படவுள்ளதாக அவர் தெரிவித்தார். அத்துடன் குறித்த பிரதேசசபைகளுக்கு உட்பட்ட பதிவுசெய்யப்பட்டுள்ள வாக்காளர்களுக்கு உத்தியோகபூர்வ வாக்காளர் அட்டைகள் தபாலில் விநியோகிக்கப்படவுள்ளது.
எதிர்வரும் 5ஆம் திகதி முதல் 17ஆம் திகதிவரையில் உத்தியோகபூர்வ வாக்காளர் அட்டைகள் பகிர்ந்தளிக்கப்படவுள்ளதாக மாவட்ட பிரதித் தேர்தல்கள் ஆணையாளர் நாயகம் சுட்டிக்காட்டினார். 2010ஆம் ஆண்டுக்கான பெயர்ப்பட்டியலுக்கு அமைய புதுக்குடியிருப்பு மற்றும் கரைத்துறைப்பற்று பிரதேச சபைகளுக்கான வாக்காளர் தெரிவுசெய்யப்பட்டுள்ளனர்.
எதிர்வரும் 24ஆம் திகதி நடைபெறவுள்ள தேர்தலில் வாக்களிப்பதற்கு 44,000 வாக்காளர்கள் தகுதிபெற்றுள்ளதாக வன்னி மாவட்ட பிரதித் தேர்தல்கள் ஆணையாளர் நாயகம் எஸ்.சுதாகரன் மேலும் குறிப்பிட்டுள்ளார்.
.jpg)
