Published On: Thursday, February 23, 2012
அம்பாந்தோட்டையில் யானை தாக்கி தாதியொருவர் பலி
அம்பாந்தோட்டை வெலிகந்த குடாகம் கிராமத்தில் யானை தாக்கி தாதியொருவர் உயிரிழந்தார். நேற்றுக் காலை தாதியர் பயிற்சிக் கல்லூரிக்குச் சென்று கொண்டிருந்தவரையே யானை தாக்கியுள்ளது. 22 வயதுடைய கீதிகா மிஹிராணி என்பவரே உயிரிழந்தவராவார். தாதியர் பயிற்சிக் கல்லூரி முதலாம் வருட மாணவியான இவர் தனது தோழியுடன் விடுமுறைக்கு வீடு சென்று மீண்டும் பயிற்சிக் கல்லூரிக்கு வருகையில் இது நிகழ்ந்துள்ளதோடு தந்தை காயங்களுக்கு உள்ளாகி அம்பாந்தோட்டை பொது வைத்தியசாலையில் அனுமதிக்கப்பட்டதன் பின்பு மாத்தறை வைத்தியசாலைக்கு மாற்றப்பட்டுள்ளார்.
வன சீவராசிகள் திணைக்கள உத்தியோகத்தர்கள் மீது கோபமடைந்த பொதுமக்கள் போக்குவரத்துக்கு இடையூறு செய்து தனது எதிர்ப்பினைத் தெரிவித்ததோடு இவர்களின் அசமந்தப் போக்குகளால் இவ்வாறான நிகழ்வுகள் அடிக்கடி இடம் பெறுவதாகவும் தெரிவித்தனர். பொலிஸார் மேலதிக விசாரணைகளை மேற்கொண்டு வருவதோடு சடலம் அம்பாந்தோட்டை பொது வைத்தியசாலையில் வைக்கப்பட்டு மரண விசாரணை மேற்கொள்ளப்பட்டு வருகின்றது.
.jpg)
