Published On: Wednesday, February 22, 2012

எப்புடி சுகமா இருக்கிறியளோ? நமக்குத்தான் அது கொஞ்சம் பஞ்சமாக் கெடக்கு. அதுதான் கனநாளா என்னக் காணல. இப்ப என்ன சீசன் எண்டு தெரியும்தானே மக்கள்? அதுதான் ஆர்ப்பாட்ட சீசன். பெட்டோலுக்கு வில ஏத்தினதுல ஆரம்பிச்ச ஆர்ப்பாட்டம் இப்ப ஒரு ரவுண்டு வந்துக்கிட்டு இருக்கு. இவையள் என்ன செய்வினம்..? றோட்டுல நாலு பேர் கூடி அரசாங்கத்துக்கு எதிரா கத்துவினம். பொறகு பொலிஸ்கார ஆக்கள் அடிப்பினம். அதுக்குப் பொறகு அது நியூஸ்ல வரும். அதோட முடிஞ்சிடும் ஆர்ப்பாட்டம். இதெல்லாம் சகஜமப்பா?

ஆர்ப்பாட்டம் என்னத்துக்கு செய்வினம் எண்டு மொதல்ல யோசிக்க வேணும். சும்மா அரசங்கத்தின் மேல இருக்கிற கடுப்புல போய், றோட்டுல கத்துறதால எதுவும் நடக்கப் போறதில்ல. அது ஒரு செய்தியோட முடியுற விஷயம். ஆனா, நமக்குத் தேவ அதுக்கான தீர்வுதான். அதுக்காக அரசாங்கம் செய்யிற எல்லாத்தையும் பேயன் பலாப்பழத்தைப் பார்க்கிறது போல பாத்துக்கிட்டு இருக்கவும் ஏலாது. அப்ப நாம் ஏன்னத்துக்கு வோட்டுப் போட்டது? பெட்டோலுக்கு அரசாங்கம் நிவாரணம் தாற எண்டு எல்லாம் சொன்னிச்சிது. ஈரான் பிரச்சினயால பெட்டோல் வில ஏறுறதை எந்த மஹிந்தயாலயும் தடுக்க ஏலாது. உங்களுக்கு ஒண்டு சொல்லட்டே, இந்தக் காலத்துல யூ.என்.பி. கவுமண்ட் ஆட்சி செய்திருந்தாலும் வில ஏத்தித்தான் வித்திருப்பினம். அத உட்டுப்போட்டு ரணில் அவர்ர வீட்டுக் காசில நமக்கு பெட்டோல் தரப்போறது இல்ல.

அரசாங்கம் என்ன செஞ்சாலும் அத குத்தம் சொல்லுறதுதான் எதிர்க்கட்சியின்ட வேல. அதுக்குத்தான் அரசாங்கம் அவங்களுக்கு சம்பளம் குடுக்குது. உதாரணத்துக்கு, மகிந்தவுக்கு எதிரா எலக்ஷன்ல ரவூப் ஹக்கீம் எப்புடி எல்லாம் மேடையில பீரங்கிப் பிரச்சாரம் செய்தார். ஆனா, இப்போ என்ன ஆச்சு...? ஹக்கீம் இப்ப அரசாங்கத்தின்ட ஒரு தூண். இதுதான் அரசியல். இதுதான் அரசியல்வாதிக்கும் அழகு. கூட்டத்துல ஏசுறதும், கூட்டுக்கு தூக்கிறதும் அரசியல்ல சகஜமப்பா.

இப்ப இந்தியாவுலயும் பெட்டோலுக்கு வில ஏறப்போகுதாம். அங்க என்ன நடக்குததெண்டு பார்ப்போம். ஆனா, இந்த பெப்ரவரி மாதம் அரசாங்கத்து சனி புடிச்சி ஆட்டுது எண்டுதான் சொல்லணும். ஏனென்டா, இந்த மாதம் எக்கச்சக்கமான ஆர்ப்பாட்டம் நடக்குது அரசாங்கத்துக்கு எதிரா. நான் ஒண்டு மட்டும் சொல்லுறேன். எவ்வளவு ஆர்ப்பாட்டம் நடந்தாலும் அரசாங்கம் சும்மா 'கன்' மாதிரி நிக்குது. இது ரொம்ப நல்ல அரசாங்கம்டா...

வ்...வ்வ்...வ்வ்வ்...!

• 'மடுவத்தை' ஆஸ்பத்திரியில் அல்லல்படும் நோயாளிகள்
• அபிவிருத்தியத் தடுக்க குறுக்கால போகும் புத்தி
• என்னடா இது? இந்த மாதம் ஆர்ப்பாட்ட சீசனா?
• மாலதீவு கூட்டாளிக்கு மகிந்த சப்போட்; நண்பேண்டா!
• றேடியோ அறிவிப்பாளர்கள், 'செல்ட்டன்' பெண்டுகள்