Published On: Saturday, February 25, 2012
யாழில் 3 பிள்ளைகளுடன் 6 வருடம் பாலியல் உறவுகொண்ட தந்தை
யாழ்.சிறுப்பிட்டியில் பருவமடைந்த தனது மூன்று பிள்ளைகளை 6 வருடங்களாக வற்புறுத்தி பாலியல் உறவு கொண்ட தந்தை கைது செய்யப்பட்டுள்ளதாக அச்சுவேலிப் பொலிஸார் தெரிவித்துள்ளனர். கடந்த 6 வருடங்களாக இம்மூன்று பெண் பிள்ளைகளையும் பாலியல் உறவுகொண்ட இந்நபரின் தொல்லை தாங்க முடியாது 3 வருடங்களாக தமது அப்பம்மா வீட்டில் அடைக்கலம் புகுந்தனர் இப்பெண்கள்.
இருந்தும் தனது தாயார் இல்லாத வேளைகளில் அவ்வீட்டில் புகுந்து அங்கு நிற்கும் தனது பிள்ளைகளில் யாராவது ஒருவரை பாலியல் உறவு கொண்டுவிட்டு சென்றுவிடுவாராம் இந்த தந்தை. கடந்த செய்வாய்க்கிழமை தந்தையின் தொல்லை அதிகமாகக் காணப்படவே அதிகாலை 3 மணிக்கு அச்சுவேலிப் பொலிஸ் நிலையத்தில் தஞ்சமடைந்தனர் இப் பெண்கள்.
தற்போது கைது செய்யப்பட்ட தந்தை நீதிமன்றக் காவலில் வைக்கப்பட்டுள்ளார். இவர் தொடர்பான விசாரணைகள் மேற்கொள்ளப்பட்டு வருகிறதாக பொலிஸார் தெரிவித்துள்ளனர்.
.jpg)
