Published On: Tuesday, January 17, 2012
'மடுவத்தை' ஆஸ்பத்திரியில் அல்லல்படும் நோயாளிகள்
கல்முனயில இரிக்கிற மடுவத்தை (அஷ்ரப் ஞாபகார்த்த வைத்திய சாலையும்) ஆஸ்பத்திரியும் ஒண்டு. அங்க அடிக்கடி பல கூத்துகள் நடக்கிறது ஒங்களுக்குத் தெரியும். அங்க எல்லாம் பேருக்குத்தான் இரிக்கி. ஒருசேவையும் ஒழுங்கா நடக்கிறல்ல. ஒராள் வருத்தம் எண்டு ஆஸ்பத்திரிக்கு வந்து வாட்டில் இருந்தா, சீவன் போற கேஸ் எண்டா மட்டும்தான் ஓடியோடிப் பாப்பாங்க. சாதரண கேஸ் எண்டா, அவர சும்மா செக்கப் பண்ணிட்டு ரெண்டு நாளைக்கு அப்புறம்தான் பாப்பாங்க.
அங்க அடிக்கடி, நோயாளின்ட சொந்தக்கார ஆக்களும், டொக்டர்மாரும் பிரச்சினப்படுறது எல்லோருக்கும் தெரிஞ்ச விஷயம்தான். இங்க வாட்டுல இருக்கிற ஒருவர் சுகமாயி வீட்டுக்குப் போறது எண்டா, மலயில மாடு ஏத்துறதுக்குச் சமன். அவ்வளவு கஷ்டம். ஒருவருக்கு காலயில 10 மணிக்கு பெயர் வெட்டினால், பின்னேரம் 4-5 மணி வரைக்கும் அவங்கள சும்மா வெச்சிக்கிட்டு இருப்பாங்க. 5 நிமிஷத்துல எழுதுற ரிப்போட்டுக்கு அரை நாளை மெனக்கெடுத்துவாங்க.
இதப்போய்க் கேட்டா, நீங்க சுகமாயிட்டீங்க, எங்களுக்கு நோயாளிங்கதான் முதல்ல முக்கியம் எண்டு (கதை) சொல்லுவாங்க. அப்பசரி எவ்வளவு நேரத்துல தருவீங்க எண்டு கேட்டா, அரை மணித்தியாலம், ஒரு மணித்தியாலம் எண்டு இழுத்தடிப்பாங்க. சரி நீங்க தரும்வரைக்கும் (நோயாளிகள்) வீட்டுக்குப்போய் சாப்பிட்டு வரட்டா எண்டு கேட்டால், "இங்கயே கெண்டீன் இருக்கு சாப்பிடுங்க, நீங்க வீட்டுக்குப்போய் வந்தா உங்க ரிப்போட் இங்க குப்பக் கூடயிலதான் கெடக்கும்" எண்டு மிரட்டுவாங்க.
ஒருநாள் எவ்வளது பொன்னானது...? எவ்வளவு பிரச்சினைகளுக்கு மத்தியில் நோயாளிகள் வாட்டில் இருக்காங்க. அவங்க சுகமான பொறகு 5 நிமிசத்துல எழுதுற ரிப்போட்டுக்கு இப்படி நாள் கணக்கில இழுத்தடிக்கிறது ஒரு பம்மாத்து வேலதான். அவங்கட கஷ்டம் அவங்க அவங்களுக்குத்தான் தெரியும். இந்த நிலமை மாறணும். இல்லாட்டி மண்டு வாத்தியாரின் நடவடிக்கை தொடரும்.
- மண்டு வாத்தியார்
.jpg)
