ஆஞ்சநேயன்தான் எனக்கு வேணும்

நடிகை அனன்யாவுக்கும் கேரளாவைச் சேர்ந்த ஆஞ்சநேயலுவுக்கும் சமீபத்தில் திருமண நிச்சயதார்த்தம் நடந்தது. அனன்யா, “நாடோடிகள்”, “சீடன்”, “எங்கேயும் எப்போதும்” போன்ற படங்களில் நடித்துள்ளார். ஆஞ்சநேயலு தொழில் அதிபராக உள்ளார்.

அனன்யா பங்கேற்கும் விழாக்களிலும் படப்பிடிப்புகளிலும் ஆஞ்சநேயலு தினமும் ஆஜராகி காதல் வலை விரித்தார். அவர் காதலை அனன்யாவும் ஏற்றுக்கொண்டார்.

இதையடுத்து நிச்சயதார்த்தம் நடத்தி திருமண தேதியை முடிவு செய்தார்கள். இந்த நிலையில் ஆஞ்சநேயலு ஏற்கனவே திருமணமானவர் என்ற தகவல் தெரிய வர அவர் மீது அனன்யாவின் தந்தை கோபாலகிருஷ்ணன் கொச்சி அருகில் உள்ள பெரும்பாவூர் போலீசில் புகார் அளித்தார். ஆனால் அனன்யா வற்புறுத்தலால் புகார் வாபஸ் பெறப்பட்டது.

ஏற்கனவே திருமணமானவராக இருந்தாலும் ஆஞ்சநேயலுவைத் தான் திருமணம் செய்வேன் என்று அனன்யா உறுதியாக தெரிவித்தார்.

அவர் கூறிய தாவது:-

என் திருமணம் பற்றி தவறான வதந்திகள் பரவி உள்ளன. எனக்கும் ஆஞ்சநேயலுவுக்கும் நிச்சயம் திருமணம் நடக்கும். இது போன்ற வதந்திகள் எங்கள் உறவை மேலும் வலுப்படுத்தி இருக்கிறது.

இவ்வாறு அவர் கூறினார்.

ஆஞ்சநேயலு தரப்பில் விசாரித்தபோது, “முதல் திருமணம் பற்றிய விஷயம் அனன்யாவுக்கு தெரியும். ஆஞ்சநேயலு எல்லாவற்றையும் அவரிடம் தெரிவித்து விட்டார்” என்றனர்.