Published On: Monday, March 05, 2012
காதலன் தற்கொலை; அல்போன்சாவும் தற்கொலை முயற்சி
நடிகை அல்போன்சாவின் காதலன் தற்கொலை செய்து கொண்டதால், துக்கம் தாங்காமல் அல்போன்சாவும் தற்கொலை முயற்சி செய்துள்ளார். தமிழில் பாட்ஷா, ராஜஸ்தான், தில் உள்ளிட்ட பல படங்களில் நடித்தவர் நடிகை அல்போன்சா. கவர்ச்சி மற்றும் குணச்சித்திர வேடங்களில் நடித்து வந்த அல்போன்சா சென்னை, விருகம்பாக்கத்தில் உள்ள அடுக்குமாடி குடியிருப்பில் தங்கி வந்தார். இவருக்கு ஏற்கனவே திருமணமாகி விட்டது. இந்நிலையில் வினோத்குமார் என்பவரை காதலித்து வந்தார். கல்பாக்கத்தை சேர்ந்த வினோத் குமாரும் அல்போன்சாவுடன் ஒரே வீட்டில் தங்கியிருந்தார்.
இந்நிலையில் நேற்று இரவு துபாயில் ஒரு நிகழ்ச்சியில் பங்கேற்று விட்டு அல்போன்சா வீடு திரும்பியிருக்கிறார். இரவில் அல்போன்சாவுக்கும், காதலன் வினோத்குமாருக்கும் சண்டை ஏற்பட்டதாக கூறப்படுகிறது. இதனிடையே இன்று காலை அல்போன்சா தூங்கி எழுந்து பார்த்தபோது வினோத்குமார் வீட்டின் ஒரு அறையில் தூக்கில் பிணமாக தொங்கியுள்ளார். இதைபார்த்து அதிர்ச்சியடைந்த அல்போன்சா அலறியடித்து கொண்டு விருகம்பாக்கம் போலீசில் புகார் செய்தார். இதனையடுத்து வினாத்குமாரின் உடலை கைப்பற்றிய போலீசார் பிரேத பரிசோதனைக்காக ராயப்பேட்டை அரசு மருத்துவமனைக்கு அனுப்பி வைத்துள்ளனர். மேலும் வினோத்குமார் தற்கொலை செய்து கொண்டதற்கான காரணம் குறித்து அல்போன்சாவிடம் விசாரனை நடத்தியுள்ளனர்.
இந்நிலையில் காதலன் இறந்த தூக்கம் தாளாமல் அல்போன்சாவும் தற்கொலை முயற்சி மேற்கொண்டார். வீட்டில் இருந்தபடி அளவுக்கு அதிகமான தூக்க மாத்திரையை உண்டுள்ளார். இதையடுத்து மயக்கம் அடைந்த அல்போன்சா சிகிச்சைக்காக தனியார் மருத்துவமனையில் சேர்க்கப்பட்டுள்ளார்.
நடிகையின் காதலன் தற்கொலை மற்றும் நடிகையும் தற்கொலை முயற்சி மேற்கொண்டுள்ளது பெரும் பரபரப்பை ஏற்படுத்தி இருக்கிறது.
.jpg)
