Published On: Wednesday, February 22, 2012
கூடங்குளம் போராட்ட குழு 2ஆவது நாள் உண்ணாவிரதம்
(இந்தியாவிலிருந்து சாஹுல்)
கூடங்குளம் அணுமின் நிலைய பிரச்சினை தொடர்பாக அமைக்கப்பட்டுள்ள தமிழக அரசின் நிபுணர் குழுவினர், போராட்டத்தில் ஈடுபட்டு வரும் கிராம மக்களை சந்திக்ககோரி போராட்ட குழுவினர், நேற்று முன்தினம் நள்ளிரவு முதல் 72 மணிநேர தொடர் உண்ணாவிரதம் தொடங்கி உள்ளனர்.
இன்று 2ஆவது நாளாக உண்ணாவிரதம் நடக்கிறது. இதில் போராட்டக்குழு ஒருங்கிணைப்பாளர் உதயகுமார், புஷ்பராயன், சிவசுப்பிரமணியன், முகிலன், ஜேசுராஜ் உள்பட கூடங்குளம், இடிந்தகரை, பெருமணல், கூத்தங்குளி, தொம்மையார்புரம், உவரி உள்பட கடற்கரையோர பகுதி கிராம மக்கள் கலந்து கொண்டனர்.
நாளை இரவுவரை உண்ணாவிரதம் நடக்கிறது. ஏற்கனவே கூடங்குளம் அணுமின் நிலையத்தை மூடக்கோரி அப்பகுதி மக்கள் தொடர் போராட்டம் நடத்தி வருகின்றனர். இடிந்தகரையில் நடைபெற்று வரும் இந்த போராட்டம் இன்று 128ஆவது நாளை எட்டியுள்ளது.
.jpg)
