Published On: Saturday, February 18, 2012
போட்டிப் பரீட்சைகள் வெறும் கண்துடைப்பா? ஆசிரியர்கள் விசனம்
(சம்யா)
கிழக்கு மகாணத்தின் கல்வி வலயங்களில் வெற்றிடமாகக் காணப்படும் ஆசிரியர் ஆலோசகர்களுக்காக நடைபெற்ற போட்டிப் பரீட்சையில் பரீட்சை எழுதிய அனைத்து ஆசிரியர்களுக்குமான நேர்முகப் பரீட்சைகள் கடந்த 16.02.2012ஆம் திகதியிலிருந்து கல்முனை வலயக்கல்விப் பணிமனையில் நடைபெற்று வருகின்றன.
கல்முனை வலயத்திலுள்ள அக்கரைப்பற்று, திருக்கோவில், கல்முனை, சம்மாந்துறை ஆகிய வலங்களிலிருந்து நேர்முகப் பரீட்சைக்கு ஆசிரியர்கள் சமுகமளித்திருந்தனர். நேர்முகப் பரீட்சைக்கு வருகை தந்திருந்த ஆசிரியர்கள் அனைவரும் வலயக் கல்வி அலுவலகத்தின் விறாந்தையிலேயே அமர்வதற்கு ஒருசில கதிரைகள் போடப்பட்டிருந்தன. உள்ளே இருக்கத்தக்கதான இடமோ, கதிரைகளோ இன்றி ஆசிரியர்கள் கட்டிடத்தின் ஓரத்திலேயே நிற்கக்கூடிய நிலையில் நேர்முகப் பரீட்சை நடைபெற்றது.
அதேவேளை, பரீட்சை எழுதிய அனைத்து பரீட்சார்த்திகளும் அழைக்கப்பட்டிருந்தமையானது பரீட்சை நடாத்தியமை வெறும் கண்துடைப்பா? எனவும் கலந்து கொண்ட ஆசிரியர்கள் தெரிவித்தனர். அண்மைக்காலங்களில் இவ்வாறான உயர் பதவிக்குரிய பரீட்சைகளுக்கு தோற்றுகின்ற அனைவரும் நேர்முகப்பரீட்சைக்கு அழைக்கப்படுகின்றமை என்ன காரணம் எனத் தெரியவில்லை எனவும், அப்படியானால் பரீட்சை ஒன்று நடைபெற்றிருக்கத் தேவையில்லை எனவும் அங்கு வந்திருந்த ஆசிரியர்கள் தெரிவித்தனர்.
.jpg)
