எங்களைப் பற்றி | விளம்பரம் செய்ய 'துருவம்' செய்திகளை உடனுக்குடன் உங்களது கையடக்கத் தொலைபேசியில் இலவசமாக பெற்றுக்கொள்ள "Follow thuruvam" என டைப் செய்து 40404 க்கு அனுப்புங்கள்.
Wednesday, July 09, 2025
Headlines
  • virakesari.tv
  • Facebook
  • YouTube
  • RSS feed
  • Follow us on Twitter
Published On: Monday, March 05, 2012

அவுஸ்திரேலியா 'டென்ஷன்' வெற்றி; இலங்கை போராட்டம் வீண்

Print Friendly and PDF


முத்தரப்பு கிரிக்கெட் தொடரின் பரபரப்பான முதல் பைனலில் அவுஸ்திரேலிய அணி, இலங்கையை 15 ரன்கள் வித்தியாசத்தில் வீழ்த்தியது. கடைசி நேரத்தில் குலசேகரா அதிரடியாக ரன் சேர்க்க, போட்டியில் "டென்ஷன் ஏற்பட்டது. ஆனாலும், பதட்டப்படாமல் ஆடிய, அவுஸ்திரேலியா வெற்றியை தன்வசப்படுத்தியது.

முத்தரப்பு ஒருநாள் கிரிக்கெட் தொடர் ஆஸ்திரேலியாவில் நடக்கிறது. இதில், லீக் சுற்றில் சொதப்பிய இந்திய அணி வெளியேறியது. நேற்று நடந்த முதல் பைனலில் ஆஸ்திரேலியா, இலங்கை அணிகள் மோதின. "டாஸ் வென்ற ஆஸ்திரேலிய கேப்டன் மைக்கேல் கிளார்க், "பேட்டிங் தேர்வு செய்தார். 

அசத்தல் துவக்கம்:
ஆஸ்திரேலிய அணிக்கு டேவிட் வார்னர், மாத்யூ வேட் இணைந்து அசத்தல் துவக்கம் தந்தனர். மலிங்கா ஓவரில் வேட் ஒரு சிக்சர், பவுண்டரி விளாசி அதிரடியை ஆரம்பித்தார். மறுபக்கம் மகரூப் ஓவரில் வார்னர் வரிசையாக இரண்டு பவுண்டரிகள் விளாசினார். மழை காரணமாக 11வது ஓவரில் ஆட்டம் சிறிது நேரம் பாதிக்கப்பட்டது. இதற்கு பின் வார்னர் தனது ரன் மழையை தொடர்ந்தார். அரைசதம் கடந்த வேட்(64), குலசேகரா பந்தில் வீழ்ந்தார். அடுத்து வந்த வாட்சன்(21) நிலைக்கவில்லை. 

முதல் சதம்:
மகரூப் பந்தை பவுண்டரிக்கு விரட்டிய வார்னர் ஒரு நாள் அரங்கில் தனது முதல் சதம் எட்டினார். கிறிஸ்டியன்(10), டேவிட் ஹசி(1) சோபிக்கவில்லை. கேப்டன் மைக்கேல் கிளார்க் 37 ரன்கள் எடுத்தார். தனது அசத்தல் ஆட்டத்தை தொடர்ந்த வார்னர் 150 ரன்களை கடந்தார். இவர் 163 ரன்களுக்கு(13 பவுண்டரி, 2 சிக்சர்), தம்மிக்கா பிரசாத் பந்தில் அவுட்டானார். ஆஸ்திரேலிய அணி 50 ஓவரில் 6 விக்கெட்டுக்கு 321 ரன்கள் எடுத்தது. மைக்கேல் ஹசி(19) அவுட்டாகாமல் இருந்தார்.

பிரட் லீ மிரட்டல்:
இமாலய இலக்கை விரட்டிய இலங்கை அணி துவக்கத்திலேயே ஆட்டம் கண்டது. பிரட் லீ வேகத்தில் கேப்டன் ஜெயவர்தனா(14), தில்ஷன்(27) காலியாகினர். சண்டிமால்(14) ஏமாற்றினார். பட்டின்சன் ஓவரில் "ஹாட்ரிக் பவுண்டரி அடித்த சங்ககராவும் அதிக நேரம் நீடிக்கவில்லை. இவர் 42 ரன்களுக்கு பிரட் லீ பந்தில் நடையை கட்டினார். பின் டேவிட் ஹசி "சுழல் ஜாலம் காட்டினார். இவரது பந்துவீச்சில் திரிமான்னே(14), மகரூப்(8) அவுட்டாகினர். இதையடுத்து இலங்கை அணி 31வது ஓவரில் 6 விக்கெட்டுக்கு 144 ரன்கள் எடுத்து தத்தளித்தது.

குலசேகரா அதிரடி:
இந்த நேரத்தில் பேட்டிங் "பவர்பிளேயை பயன்படுத்தி குலசேகரா, தரங்கா மிரட்டினர். இவர்கள் 7வது விக்கெட்டுக்கு 70 பந்துகளில் 104 ரன்கள் சேர்த்தனர். பட்டின்சன், ஹில்பெனாஸ், பிரட் லீ ஓவர்களில் குலசேகரா வரிசையாக பவுண்டரி, சிக்சர்களாக அடித்து, ஆஸ்திரேலிய வீரர்களின் வயிற்றில் புளியை கரைத்தார். உடனே "ஸ்பின்னர் டேவிட் ஹசியை அழைத்தார் கிளார்க். இவரது முதல் இரு பந்துகளை குலசேகரா சிக்சருக்கு அனுப்பினார். நான்காவது பந்தை தூக்கி அடிக்க, அது தோகர்டி கையில் தஞ்சம் புகுந்தது. குலசேகரா 73 ரன்களுக்கு(7 பவுண்டரி, 3 சிக்சர்) வெளியேற, ஆஸ்திரேலியாவுக்கு நிம்மதி பிறந்தது. வாட்சன் பந்தில் தரங்கா(60) அவுட்டானார். 49வது ஓவரை துல்லியமாக பந்துவீசிய பிரட் லீ 4 ரன் மட்டுமே விட்டுக் கொடுத்தார்.

6 பந்தில் 16 ரன்:
இதையடுத்து கடைசி ஓவரில் இலங்கையின் வெற்றிக்கு 16 ரன்கள் தேவைப்பட்டன. வாட்சன் பந்துவீசினார். முதல் பந்தில் ரன் இல்லை. இரண்டாவது பந்தை மலிங்கா(1) தூக்கி அடிக்க, அதனை மைக்கேல் ஹசி பிடிக்க, "டெயிலெண்டர்களின் போராட்டம் வீணானது. இலங்கை அணி 49.2 ஓவரில் 306 ரன்களுக்கு ஆல் அவுட்டாகி தோல்வி அடைந்தது. அதிரடியாக ரன் சேர்த்த தம்மிக்கா பிரசாத்(31) அவுட்டாகாமல் இருந்தார்.

ஆஸ்திரேலியா சார்பில் பிரட் லீ 3, டேவிட் ஹசி 4, வாட்சன் 3 விக்கெட் வீழ்த்தினர்.

ஆட்ட நாயகன் விருதை டேவிட் வார்னர் வென்றார்.
இவ்விரு அணிகள் மோதும் இரண்டாவது பைனல் நாளை நடக்க உள்ளது. இதில், ஆஸ்திரேலியாவே தொடர்ந்து வென்றால், மூன்றாவது பைனலுக்கு(மார்ச் 8) அவசியம் இருக்காது.

இது தான் அதிகம்
ஒருநாள் அரங்கில் முதல் சதம் அடித்த வார்னர், தனது சிறந்த ஸ்கோரை(163 ரன்கள்) பதிவு செய்தார். இதற்கு முன் 74 ரன்கள்(எதிர், தென் ஆப்ரிக்கா, 2011) எடுத்திருந்தார். தவிர, பிரிஸ்பேனில் அதிகபட்ச ஸ்கோர் எடுத்த வீரர் என்ற பெருமை பெற்றார். முன்னதாக இங்கிலாந்தின் டேவிட் கவர் 158 ரன்கள்(எதிர், நியூசி., 1983) எடுத்திருந்தார். 

* சொந்த மண்ணில் அதிகபட்ச ரன் எடுத்த ஆஸ்திரேலிய வீரர்களின் வரிசையில் மூன்றாவது இடம் பெற்றார் வார்னர். முதல் இரு இடங்களில் முறையே மார்க் வாக்(173, எதிர், வெ.இண்டீஸ், மெல்போர்ன், 2001), கில்கிறிஸ்ட்(172, எதிர், ஜிம்பாப்வே, ஹோபர்ட், 2004) உள்ளனர்.
* வார்னர்-வேட் இணைந்து முதல் விக்கெட்டுக்கு 136 ரன்கள் சேர்த்தனர். இதுவே இத்தொடரில் ஆஸ்திரேலியா சார்பில் துவக்க விக்கெட்டுக்கு எடுக்கப்பட்ட அதிகபட்ச ரன்.

பிராட் "இரட்டை சதம்
ஐ.சி.சி., "மேட்ச் ரெப்ரியாக நேற்று தனது 200வது ஒருநாள் போட்டியில் பங்கேற்றார் இங்கிலாந்தின் கிறிஸ் பிராட். இவர், இலங்கையில் ரஞ்சன் மடுகுலேவுக்கு(265) பின் இம்மைல்கல்லை எட்டும் இரண்டாவது நபராகிறார். இவர் 51 டெஸ்ட், 41 "டுவென்டி-20 போட்டிகளுக்கும் "மேட்ச் ரெப்ரியாக இருந்துள்ளார். 

குலசேகரா அபாரம்
நேற்று 43 பந்துகளில் 73 ரன்கள் விளாசிய குலசேகரா, ஒருநாள் அரங்கில் தனது சிறந்த ஸ்கோரை பதிவு செய்தார். இதற்கு முன் 2009ல் நியூசிலாந்துக்கு எதிராக 57 ரன்கள் எடுத்திருந்தார்.

அமெரிக்க தீர்மானத்திற்கு புலம்பெயர் தமிழர்களும் எதிர்ப்பு

ஐ.நா. மனித உரிமைகள் பேரவையில் சமர்ப்பிக்கப்பட்ட இலங்கை தொடர் பான தீர்மான நகல் வரைபானது அமெரிக்க அரசாங்கத்தின
மேலும் »

பிரதான செய்திகள்
சர்வதேச செய்திகள்

கடாபி மகனின் 10 மில்லியன் பெறுமதியான வீட்டுக்கு ஆப்பு

லிபியாவின் சர்வாதிகாரியாக கடந்த 32 ஆண்டுகளாக ஆட்சி செய்து வந்த கடாபி புரட்சிப்படையினரால் சுட்டுக் கொல்லப்பட்... மேலும் »

சிறப்புக் கட்டுரை
சினிமா செய்திகள்

டெல்லியில் இன்று காதலனை கரம் பிடித்தார் ரீமா சென்

நடிகை ரீமா சென், காதலன் சிவ் கரண் சிங் திருமணம் டெல்லியில் இன்று நடந்தது. ‘மின்னலே, தூள், செல்லமே, ‘ஆயிரத்தி... மேலும் »

வர்த்தக செய்திகள்

டேவிட் பீரிஸ் கம்பனியின் அலுவலகம் இடமாற்றம்

(கலாநெஞ்சன்) வரையறுக்கப்பட்ட டேவிட் பீரிஸ் மோட்டார் கம்பனியின் நீர்கொழும்பு பிரதேச அலுவலகம் புதிய இடத்த... மேலும் »

மண்டு வாத்தியார்

என்னடா இது? இந்த மாதம் ஆர்ப்பாட்ட சீசனா?

எப்புடி சுகமா இருக்கிறியளோ? நமக்குத்தான் அது கொஞ்சம் பஞ்சமாக் கெடக்கு. அதுதான் கனநாளா என்னக் காணல. இப்ப என்ன... மேலும் »

இணையத்தளங்கள்

Sign Up to Thuruvam Newsletter

© 2012 Thuruvam All Rights Reserved.
|
Call us on ( +94 ) 71 35 45 452