Published On: Wednesday, February 22, 2012
ஜனாதிபதி - சம்பந்தன் அலரி மாளிகையில் அவசர சந்திப்பு
அவசர அழைப்பின் பேரில் தமிழ் தேசியக் கூட்டமைப்புத் தலைவர் இரா.சம்பந்தன் அலரி மாளிகையில் மகிந்த ராஜபக்ஷவை சந்தித்துள்ளார். இச்சந்திப்பின்போது, நாடாளுமன்ற தெரிவுக்குழுவில் தமிழ்த் தேசியக் கூட்டமைப்பு இணைந்துகொள்ள வேண்டுமென இரா.சம்பந்தனிடம் கேட்டுக் கொண்டதாக தெரிவிக்கப்படுகின்றது.
ஜெனீவாவில் மனித உரிமை சபைக் கூட்டத் தொடர், விரைவில் தொடங்கவிருக்கின்ற நிலையில், தன்மீதான அழுத்தங்களை தணிப்பதற்கு, அரசாங்கம் கடும் முயற்சிகளை எடுத்துவரும் நிலையில், தமிழ் தேசியக் கூட்டமைப்புத் தலைவர் இரா.சம்பந்தனை, மகிந்த ராஜபக்ஷ அவசரமாக அழைத்துப் பேசியதன் பின்னணி இதுவாகவே இருக்க முடியுமென அரசியல் விமர்சகர்கள் தெரிவிக்கின்றனர்.
.jpg)
