Published On: Wednesday, February 15, 2012
இலங்கைக்கு எதிரான பிரேரணைக்கு அமெரிக்கா ஆதரவு
எதிர்வரும் மார்ச் மாதம் ஜெனீவா வில் நடைபெறவுள்ள ஐக்கிய நாடுகள் சபையின் மனித உரிமைப் பேரவையின் கூட்டத்தொடரில் இலங்கைக்கெதிராக கொண்டுவரப்படவுள்ள பிரேரணைக்கு அமெரிக்கா முழு ஆதரவு வழங்கும் என்று இலங்கைக்கு விஜயம் மேற்கொண்டுள்ள ஜனநாயகம், பாதுகாப்பு மற்றும் மனித உரிமைகள் தொடர்பான அமெரிக்க துணை இராஜாங்க செயலாளர் மாரி ஒட்டேரோ மற்றும் மத்திய, தெற்காசிய விவகாரங்களுக்கு பொறுப்பான உதவிச் செயலர் ரொபர்ட் ஓ பிளேக் தெரிவித்துள்ளனர்.
அரசாங்கமும் தமிழ்த்தேசியக் கூட்டமைப்பும் தொடர்ந்தும் பேச்சுக்களை நடத்தி நிரந்தர அரசியல் தீர்வை காண வேண்டும் என்று வலியுறுத்துவதாகவும் குறிப்பிட்டுள்ளனர். நல்லிணக்க ஆணைக்குழுவின் பரிந்துரைகளை அமுல்படுத்துவதற்கான அரசாங்கத்தின் திட்டத்தைக் கூறுவதற்கான சந்தர்ப்பம் மற்றும் பொறுப்புக்கூறல், மனித உரிமை மற்றும் ஜனநாயம் போன்ற விடயங்களில் இலங்கைக்கு சந்தர்ப்பம் ஒன்றை வழங்கும் வகையிலேயே மனித உரிமை பேரவைக்கு கொண்டுவரப்படும் பிரேரணைக்கு ஆதரவு வழங்குகின்றோம் என்றும் அமெரிக்க பிரதிநிதிகள் தெரிவித்துள்ளனர்.
.jpg)
